മഴയെപ്പറ്റിപറയുമ്പോള്‍
അവള്‍ക്ക് നൂറുനാവാണ്
മഴയില്ലാത്തനാട്ടിലിരുന്നു
അവളെഴുതിയതേറെയും
മഴക്കവിതകള്‍ തന്നെ
തിരഞ്ഞെടുത്തകവിതകള്
പുസ്തകമാക്കിയപ്പോള്
മഴവില്ല് എന്നാണ്പേരിട്ടത്
പുസ്തകപ്രകാശനം ജന്മനാട്ടില്‍
പന്തീരായിരത്തിന്റെ പട്ടില്
സുന്ദരദേഹം പൊതിഞ്ഞു
പുറപ്പെടാനിറങ്ങിയപ്പോള്
സന്തോഷംകൊണ്ട്
മഴയുടെ കണ്ണുനിറഞ്ഞു
പിടിച്ചുനില്‍ക്കാനാവാതെ
മഴതിമിര്‍ത്തുപെയ്തു
നരിയാണിക്കുമേലോട്ട്
ഒരുകയ്യാല്‍ സാരിഉയര്‍ത്തി
മറുകയ്യില്‍കുടനിവര്ത്തി
ചെളിവെള്ളത്തിലൂടെ
ആയാസപ്പെട്ടുനടന്നപ്പോള്‍
കവയത്രിപറഞ്ഞു നാശം
പിന്നാലെ നടന്ന ആരാധകന്‍ ഭര്‍ത്താവ്
ഒഴുക്കുവെള്ളം തട്ടിക്കളിച്ചു
പിന്നെ ഉറക്കെചോദിച്ചു
'സുമതീ... നമ്മടെ പുസ്തകത്തിന്റെ പേരു
മഴവില്ലെന്നോ, മഴവില്ലന്‍ ന്നോ?'
